yo lah sabana lamo ambo indak mancogok di blog ko,, maklum se lah dunsanak,, kini sadang paniang maurus sekeripsi di kampuih,, jadi blog ko lumayan tabangkalai saketek,, tapi insyaAllah ambo indak kan lupo untuak acok2 ma agiah informasi ka dunsanak pambaco..

ondeh yo sabana lamak tingga di kampuang ko,, baa ka indak pulo,, apo lai untuak hari balai ko.

apo kaba kini dunsanak ?
lah lamo bana wak indak basuo di blog ko, kini mimin nandak maagiah kaba nan lah mulai  (mungkin alah asan) tapi kaba ko banyak juo nan masih salah informasi. simpang siur kecek ughang jarkata.

a iko carito e ...

carito e tantang kupon baadiah nan dapek dek si AL nan manjua lado di balai akaik satiok hari akaik. Inyo dilu e ughang lubuak laweh nan dakek cumanak  tu ha, kampuang e kanai lonsor sarato umah e gai di tahun 2009 patang ko. Dak cuma lubuak laweh je nan kanai doh cumanak iyo lo, korban e sangaik banyak  tamasuak umah uwai amak mimin, umah abih, mimin jo amak mimin kini dak tingga cumanak tu lai doh tapi di .... eh poks pokus !!
maap sanak maap, takana parasaian lamo wak
Iyo, jadi si AL ko patang ko dapek kupon baadiah oto. tantulah eboh wak nan mandangae. Tu dek hari akaik minggu patang ko  mimin basamo mimin @andone_creuw payi batanyo lansuang ka inyo.
pas lah batanyoan tu awal e si AL tu dak muah carito doh, satalah batawa manawa jo bamanih muncuang dek sandang makan gulo gulo, ake e si AL pun bacarito kajadian subanae.
"Kajadian e wakatu pagi pagi, wa kuliah jam 7 wak jago jam 9, kesipulannyo wak dak payi kuliah. paih wak jago tu, nampak dek wak kuciang duduak di bawakh onda wak, dek wak dak punnyo pirasat apo apo tu wak tidue liak, dek wak punyo paruik wak litak soe cari makan lah wak kalua. Nah disiko nyo kajadian cata mambahana badai halilintar patuih badantang (DUUAAAARRRrr ...) tu tajadi. Wak ka maiduik an onda tu kuciang tadi payi. tau dunsansk apo nan di tinggaan nyo ?? Oto mercedes 5 ikue ! Dak lah ! nan di tinggaan e karataih balipek ketek batungkuih jo palasitik. Dek wak nandak tau apo tu karataih tu wak bukak, kiroe karataih tu batulihan "SELAMAT KAMU MASUAK TIPI DI ACARA KENAK DEEEEH" Eh indak indak ! :/ Isi e "Selamat Anda Mendapatkan Satu Unit Mobil ____ (merek e mimin lupo) dari TEH GELAS" carito si AL.












Si AL dek kasanangan ati, nyo talepon nomor sipatu (baco: nomor talepon) nan ado di karataih tu. layi garatih nyoh. Kiro e ughang tu mintak kiriman pitih sabanyak babarapo juta (jumlah e mimin lupo, maklum lah masih mudo acok lupo, binguang ? mimin juo). Sudah tu sil AL mauruih surek surek e ka kantue wali nagari, ka kantue camaik. nan tarakir ka mauruih ka kantue bupati lae. Dek takuik malu kalo kalo beko kiroe panipuan tu si AL pun mancari pesbuk TEH GELAS ko, satalah batamu pesbuk nyo si AL pun agak kacewa karano di sinan di tulih "kami dak do buek hadiah melalui kupon doh, cuma gosok di kemasan e nyoh". iyo pakai baso minang.
Dan sampai kini si AL dak do mauruih itu lae doh.
takah tu carito e sanak.

hikmah nan bisa di ambiah adolah jan taburu buru 

Kok ado nan ka manabah carito ko atau sekedar komen komen. Silahkan bueh di box comment sanak :)

Kok ado lo sanak nan batanyo hubungan judul (Oto Mercedes Benz) jo carito si AL. Dak usah di tanyoan ataupun binguang lo, soal e mimin juo binguang :]